Namanganda kanalda oqib ketayotgan ayol qutqarib qolindi
Jamiyat
−
16 iyun 2021 4192
Kecha, 15 iyun kuni soat 19:40 larda Namangan viloyatining Chortoq tumanida kanalda oqib ketayotgan ayol qutqarib qolindi. Bu haqda Favqulodda vaziyatlar vazirligi xabar qildi.
Chortoq tuman Favqulodda vaziyatlar bo‘limi yong‘in-qutqaruvchilari “Katta Namangan kanali”da ayol oqib ketayotganini ko‘rib qolgan. Shundan so‘ng, FVV xodimlari zudlik bilan qutqaruv ishlarini amalga oshirganlar. Qutqaruvchilarning olib borgan tezkor sa’y-harakatlari natijasida fuqaro xushsiz holda qutqarib olinib, birinchi tibbiy yordam ko‘rsatilgan.
O‘ziga keltirilgan ayol tuman tibbiyot birlashmasiga yuborilgan. Hozirgi vaqtda qutqarilgan insonning ahvoli o‘nglangan.
Live
Barchasi
