Modrich hozirga qadar hech kim erishmagan natijani qayd etdi
Sport
−
11 mart 3769
Ispaniyaning “Real Madrid” klubi a’zosi Luka Modrich La Liga 28-turidan o‘rin olgan “Selta”ga qarshi o‘yinda (4:0) “Sofascore” portali tomonidan 9,7 ball oldi.
“Real Madrid” yarim himoyachisi gol urmasdan va assistentlik qilmasdan ushbu saytdan 9,5 dan yuqori baho olgan birinchi futbolchi bo‘ldi. “Sofascore” 2015/16 yilgi mavsumdan buyon dunyo bo‘yicha futbolchilarning statistik ma’lumotlarni yig‘ib kelayotgan portal hisoblanadi.
“Selta”ga qarshi o‘yinda 38 yoshli xorvatiyalik futbolchi “Real”ning golli hujumlarida ishtirok etdi va o‘z pozitsiyasida faol harakatlandi.
Ma’lumot uchun, Modrichning “qirollik klubi” bilan shartnomasi shu yil yoziga qadar amal qiladi. “Transfermarkt”ga ko‘ra futbolchining qiymati 10 million yevroga baholanmoqda.
