Mirziyoyevga Putinning o‘zi shofyorlik qildi (video)

Rossiya Prezidenti Vladimir Putin o‘zbekistonlik mavqedoshi Shavkat Mirziyoyev bilan Rossiyaning milliy avtomobili Aurus’ga chiqdi.  Bu haqda RIA Novosti xabar berdi. 

Jurnalistlar tomonidan chop etilgan kadrlarda Putin mashinaning ro‘lida o‘tirgani, Mirziyoyev esa uning yonidan joy olganini ko‘rish mumkin. Ba’zi xorij nashrlari Vladimir Putin tug‘ilgan kunida O‘zbekiston Prezidenti bilan sayr qilishga qaror qilgani haqida yozgan.

Ma’lumot uchun, Shavkat Mirziyoyev Putin taklifiga binoan 5 oktyabr kuni rasmiy tashrif bilan Rossiyaga borgan va u mamlakatda 7 oktyabrgacha qolishni rejalashtirmoqda. Moskvada ikki davlat rahbarining muzokaralari bo‘lib o‘tdi. Bundan tashqari, O‘zbekiston rahbari Bosh vazir Mixail Mishustin bilan uchrashdi, shuningdek, Tataristonda Minnixonov bilan muzokaralar o‘tkazdi.

Eslatib o‘tamiz, o‘tgan oyda Shimoliy Koreya yetakchisi Kim Chen In Rossiyaga kelganida ham Putin unga Aurus avtomobilini ko‘rsatgandi.