Mirziyoyev Ostonadan Toshkentga yo‘lga chiqdi
Jamiyat
−
03 noyabr 2023
3703O‘zbekiston Respublikasi Prezidenti Shavkat Mirziyoyev Turkiy Davlatlar Tashkiloti sammitida ishtirok etish uchun Ostona shahriga amaliy tashrifini yakunladi. Bu haqda O‘zbekiston Prezidenti Matbuot xizmati xabar berdi.
Davlat rahbarlari kengashining navbatdagi yig‘ilishida O‘zbekiston yetakchisi mamlakatning tashkilotga raisligida erishilgan asosiy natijalarni qayd etan, tuzilmani yanada rivojlantirish va turkiy mamlakatlar o‘rtasidagi hamkorlikni mustahkamlashning ustuvor yo‘nalishlari borasidagi fikrlarini bayon qilgan, qator muhim taklif va tashabbuslarni ilgari surgan.
Sammit doirasida Prezident Shavkat Mirziyoyevga turkiy xalqlar oilasining birligini mustahkamlashga, turkiy mamlakatlarning manfaatlari va qarashlarini xalqaro maydonda faol ilgari surishga qo‘shgan ulkan hissasi uchun “Turkiy dunyoning oliy ordeni” tantanali topshirildi.
Tashrif dasturidagi tadbirlar yakunlangach, O‘zbekiston Prezidenti Toshkentga jo‘nab ketdi. Aeroportda davlat rahbarini Qozog‘iston Bosh vaziri Alixan Smailov kuzatib qo‘ydi.
LiveBarchasi