Mirziyoyev Misr Prezidentini ushbu lavozimga qayta saylangani bilan tabrikladi
Jamiyat
−
18 dekabr 2023 3712
Prezident Shavkat Mirziyoyev Misr Arab Respublikasi Prezidenti Abdulfattoh as-Sisiga uning ushbu lavozimga qayta saylangani munosabati bilan tabrik yo‘lladi. Bu haqda Sherzod Asadov xabar berdi.
Tabrikda so‘nggi yillarda birgalikdagi sa’y-harakatlar, qat’iy siyosiy iroda va oliy darajadagi faol muloqotlar natijasida O‘zbekiston bilan Misr o‘rtasidagi ko‘p qirrali va uzoq muddatli aloqalar sifat jihatidan mutlaqo yangi bosqichga olib chiqilgani qayd etilgan va kelgusida yanada yuksak pog‘onaga ko‘tarilishiga ishonch bildirilgan.
Eslatib o‘tamiz, oldinroq Abdulfattoh as-Sisi Misrdagi prezidentlik saylovlarining birinchi bosqichidayoq 89,6 foiz ovoz to‘plab, katta farq bilan g‘alaba qozongandi.
Live
Barchasi
