Messi va Ramos yana bir jamoada o‘ynashi mumkin
Sport
−
03 iyul 2023 3153
AQSHning “Inter Mayami” klubi Lionel Messining PSJdagi sobiq jamoadoshi Serxio Ramos transferi ustida ishlamoqda. Bu haqda “Goal” xabar berdi.
Manbaga ko‘ra, so‘nggi haftalarda Lionel Messi va Serxio Busketsning transferini e’lon qilib, futbol olamini hayratda qoldirgan MLS klubi allaqachon Ramos bilan bu borada gaplashib ulgurgan.
Shuningdek, “Inter Mayami” o‘tgan mavsum oxirida “Barselona” bilan shartnomasini bekor qilgan ispaniyalik himoyachi Xordi Alba bilan olib borilayotgan muzokaralarning ijobiy yakuniga yaqin turganini ham ma’lum qilgan.
Ma’lumot uchun, Serxio Ramos 2022/2023 yilgi mavsumda PSJ safida 33 ta o‘yinda maydonga tushib, 2 ta gol va 1 ta golli uzatmaga mualliflik qildi. Xordi Alba esa “Barselona” nomidan 24 ta o‘yinda qatnashib, 2 ta gol va 3 ta assistni o‘z nomiga rasmiylashtirdi.
