Messi transferi “Inter Mayami” Instagram'iga qay darajada effekt berdi?

Argentinalik futbolchi Lionel Messi transferidan so‘ng Amerikaning “Inter Mayami” klubi Instagram obunachilari soni qariyb 10 baravar ko‘paydi.

Joriy yilning 7 iyunida, ya’ni Messi Amerika klubiga o‘tishini e’lon qilgan kun “Inter”ning Instagram'dagi obunachilari soni 900 mingga yaqin edi. 24 soat ichida ularning soni 4,5 millionga yetdi.

Hozirda “Inter”ning Instagram'da 8,6 million obunachisi bor. Amerika jamoalari orasida ijtimoiy tarmoqda faqat to‘rtta AQSH sport klubining obunachilari “Inter Mayami”nikidan ko‘proq – “Chikago Bulls” (9,8 million), “Klivlend Kavalers” (12,4 million), “Los-Anjeles Leykers” (22,8 million) va “Golden Steyt” (30,8 million).

Insragram'dagi obunachilar soni bo‘yicha Amerikaning yetakchi klublari:

1. “Golden Steyt” (basketbol, 30,9 mln);
2. “Los-Anjeles Leykers” (basketbol, 22,8 mln);
3. “Klivlend Kavalers” (basketbol, 12,4 mln);
4. “Chikago Bulls“ (basketbol, 9,8 mln);
5. “Inter Mayami” (futbol, 8,6 mln);
6. “Boston Seltiks” (basketbol, 7,5 mln);
7. “Mayami Xit” (basketbol, 6,6 mln);
8. “Xyuston Rokets” (basketbol, 6,1 mln);
9. “Oklaxoma-Siti Tander” (basketbol, 5,7 mln);
10. “Miluoki Baks” (basketbol, 5,2 mln).