Messi “Inter Mayami”ning navbatdagi o‘yinida asosiy tarkibdan joy oladimi?
Sport
−
25 iyul 2023 2628
Argentinalik futbolchi Lionel Messi birinchi marta “Inter Mayami” klubi safida asosiy tarkibda maydonga tushishi mumkin.
26 iyul kuni Florida jamoasi Liga kubogida “Atlanta”ga qarshi o‘ynaydi. O‘yin Toshkent vaqti bilan soat ertalabki 04:30 da boshlanadi.
“Inter” bosh murabbiyi Xerardo Martinoning aytishicha, argentinalik futbolchi va klubning yana bir yangi futbolchisi Serxio Buskets ham o‘yinni asosiy tarkibda boshlashi ehtimoli katta.
“Agar ular ko‘proq maydonda bo‘lishsa, bu jamoaning holatiga ijobiy ta’sir qilishi mumkin. Shuning uchun katta ehtimol bilan Messi va Buskets uchrashuvni asosiy tarkibda boshlaydi. Hammasi ularning o‘ziga bog‘liq”, deydi Martino.
Eslatib o‘tamiz, 22 iyulga o‘tar kechasi Mesi yangi jamoasida debyut qilgandi. Uning Mayami klubidagi dastlabki o‘yinini ko‘rish uchun stadionga ko‘pgina Amerika yulduzlari keldi.
Live
Barchasi
