Messi 4 ta o‘yindayoq “Inter Mayami”ning eng yaxshi to‘purarlari safiga kirdi

Argentinalik hujumchi Lionel Messi “Inter Mayami”ning barcha davrlardagi eng yaxshi to‘purarlari to‘rtligiga kirdi. Bu haqda Championat.com xabar berdi.

“Leagues Cup” musobaqasining 1/8 finali doirasidagi “Dallas” bilan o‘yinda Messi dubl qayd etdi. Argentinalik hujumchi Amerika klubi safida 4 ta o‘yinda 7 ta gol urib, klub tarixidagi eng yaxshi to‘purarlar ro‘yxatida 4-o‘ringa ko‘tarilib oldi. Shuningdek, Florida jamoasi safida Jozef Martines, Lyuis Morgan va Rodolfo Pizarrolar ham 7 ta gol urishni uddasidan chiqqan.

“Inter Mayami”ning eng yaxshi to‘purari yana bir argentinalik futbolchi Gonsalo Iguain hisoblanadi. Uning hisobida 29 ta gol mavjud.  Bu ko‘rsatkich bo‘yicha 2-o‘rinni Leonardo Kampana (16 gol) egallab turibdi. Kuchli uchlikni Robert Teylor (8) yakunlagan.

Eslatib o‘tamiz, avvalroq Messi MLS'ga yangi qo‘shilgan futbolchilar o‘rtasidagi rekordni o‘rnatgani xabar qilingandi. “Inter Mayami”ning “Dallas”ga qarshi o‘yini 4:4 hisobida yakunlandi. Penaltilar seriyasida esa Messi jamoasi imkoniyatni boy berdi.