Месси “Интер Майами”да янги рекорд ўрнатди

Бугун, 7 август куни АҚШнинг “Интер Майами” клуби “Даллас” жамоаси билан ўзаро тўқнаш келди. Учрашув доирасида аргентиналик ҳужумчиси Лионель Месси майдонга тушди ва дубл қайд этиб ўзининг “Интер Майами”даги голлари сонини 7 тага етказиб қўйди. Бу орқали 36 ёшли форвард МLS'га янги қўшилган футболчилар ўртасидаги рекордни ўрнатди. 

Мазкур учрашувда нинг асосий бўлимлари 4:4 ҳисобида якунланди. Месси дубл қайд этган бўлса, Альба иккита ассистни ўз ҳисобига ёздириб қўйди. Шундан сўнг ўйин тақдири пеналтилар сериясида “Интер Майами” фойдасига ҳал бўлди (5:3).

Маълумот учун, ”Leagues Cup” (МLS+МХ) Мексика ва АҚШ жамоалари ўйнайдиган клублар ўртасидаги турнир ҳисобланади. Ушбу мусобақа жорий йилдан бошлаб, KONKAKAF тасарруфида ўтказилмоқда. ”Leagues Cup”да дастлабки учта ўринни эгаллаган клублар автоматик равишда KONKAKAF Чемпионлар лигаси йўлланмасига эга чиқади.

Эслатиб ўтамиз, аввалроқ АҚШнинг “Интер Майами” стадионида ишлайдиган фаррош Лионель Мессидан дастхат олгани учун ишдан ҳайдалгани ҳақида хабар берилган эди. Маълумот учун, клуб ички қоидаларига кўра, стадион хизматчилари иш вақтида юлдузлар билан суратга тушиши ва улардан дастхат олиши қатъиян тақиқланади.