Messi “Inter Mayami”da yangi rekord o‘rnatdi

Bugun, 7 avgust kuni AQSHning “Inter Mayami” klubi “Dallas” jamoasi bilan o‘zaro to‘qnash keldi. Uchrashuv doirasida argentinalik hujumchisi Lionel Messi maydonga tushdi va dubl qayd etib o‘zining “Inter Mayami”dagi gollari sonini 7 taga yetkazib qo‘ydi. Bu orqali 36 yoshli forvard MLS'ga yangi qo‘shilgan futbolchilar o‘rtasidagi rekordni o‘rnatdi. 

Mazkur uchrashuvda ning asosiy bo‘limlari 4:4 hisobida yakunlandi. Messi dubl qayd etgan bo‘lsa, Alba ikkita assistni o‘z hisobiga yozdirib qo‘ydi. Shundan so‘ng o‘yin taqdiri penaltilar seriyasida “Inter Mayami” foydasiga hal bo‘ldi (5:3).

Ma’lumot uchun, ”Leagues Cup” (MLS+MX) Meksika va AQSH jamoalari o‘ynaydigan klublar o‘rtasidagi turnir hisoblanadi. Ushbu musobaqa joriy yildan boshlab, KONKAKAF tasarrufida o‘tkazilmoqda. ”Leagues Cup”da dastlabki uchta o‘rinni egallagan klublar avtomatik ravishda KONKAKAF Chempionlar ligasi yo‘llanmasiga ega chiqadi.

Eslatib o‘tamiz, avvalroq AQSHning “Inter Mayami” stadionida ishlaydigan farrosh Lionel Messidan dastxat olgani uchun ishdan haydalgani haqida xabar berilgan edi. Ma’lumot uchun, klub ichki qoidalariga ko‘ra, stadion xizmatchilari ish vaqtida yulduzlar bilan suratga tushishi va ulardan dastxat olishi qat’iyan taqiqlanadi.