Myeksikalik bokschi raqibi va uning murabbiyini nokautga uchratdi (video)

Raqibini nokautga uchratgan meksikalik bokschi Xoselito Velaskes jangdagi muammoli vaziyat sabab qarshi jamoa ustozi bilan janjallashib ketdi. Bu haqda “Championat” nashri xabar berdi.

Manbaga ko‘ra, 10 iyun kuni Meksikada tashkil etilgan professional boks oqshomida mahalliy bokschilar Xoselito Velaskes va Xuan Toskano o‘rtasida jang bo‘lib o‘tgan.

2016 yilgi Olimpiya o‘yinlari ishtirokchisi Xoselito Velaskes raqibini 3-raundda nokautga uchratgach, Xuan Toskanoning murabbiyi ringga chiqib kelgan va Velaskes bilan janjallashib ketgan. Bu mojaro murabbiyning ham nokaut bo‘lishi bilan yakunlangan.

Shuningdek, tartibsizlik keltirib chiqargan sportchi va jamoa a’zolari harbiylar tomonidan olib chiqib ketilgan.

Ma’lumot uchun, meksikalik bokschi Xoselito Velaskes havaskor boksda 46-49 kilogramm vazn toifasida O‘zbekiston vakili Hasanboy Do‘stmatov bilan o‘zaro to‘qnash kelgan bo‘lib, jangda hakamlar qarori asosida o‘zbekistonlik bokschi g‘alaba qozongan.

Muhsinjon Umurzoqov