Meksikada yuz bergan otishmada kamida 10 poygachi halok bo‘ldi
Olam
−
21 may 2023 7412
Meksikada ro‘y bergan otishma oqibatida kamida o‘n nafar poyga haydovchisi halok bo‘ldi, yana to‘qqiz kishi jarohat oldi. Bu haqda “Milenio” nashri xabar berdi.
“Kamida o‘nta poyga haydovchisi San-Visente, Ensenada, Quyi Kaliforniya shtatida boshqa mashina yo‘lovchilari tomonidan otib o‘ldirilgan”, deyiladi xabarda.
Ommaviy axborot vositalariga ko‘ra, kulrang furgon poyga ishtirokchilarining mashinalari qo‘yilgan yoqilg‘i quyish shoxobchasiga yetib kelgan. U yerda bo‘lgan noma’lum shaxslar avtomat quroldan o‘q uzgan.
Hozirda jarohatlanganlar shifoxonaga yotqizilgan.
Voqea joyiga mamlakat xavfsizlik xodimlari chaqirilgan. Shuningdek, poyga ishtirokchilariga qilingan hujumni San-Visente shahri meri Armando Ayyala Robles qoralab chiqqan.
Holat yuzasidan viloyat prokuraturasi tomonidan tergov harakatlari olib borilmoqda.
Live
Barchasi
