Мексикада юз берган отишмада камида 10 пойгачи ҳалок бўлди

Олам

−

21 Май 2023 visibility8112 timer1 дақиқа

Мексикада рўй берган отишма оқибатида камида ўн нафар пойга ҳайдовчиси ҳалок бўлди, яна тўққиз киши жароҳат олди. Бу ҳақда “Milenio” нашри хабар берди.

“Камида ўнта пойга ҳайдовчиси Сан-Висенте, Энсенада, Қуйи Калифорния штатида бошқа машина йўловчилари томонидан отиб ўлдирилган”, дейилади хабарда.

Оммавий ахборот воситаларига кўра, кулранг фургон пойга иштирокчиларининг машиналари қўйилган ёқилғи қуйиш шохобчасига етиб келган. У ерда бўлган номаълум шахслар автомат қуролдан ўқ узган.

Ҳозирда жароҳатланганлар шифохонага ётқизилган.

Воқеа жойига мамлакат хавфсизлик ходимлари чақирилган. Шунингдек, пойга иштирокчиларига қилинган ҳужумни Сан-Висенте шаҳри мери Армандо Айяла Роблес қоралаб чиққан.

Ҳолат юзасидан вилоят прокуратураси томонидан тергов ҳаракатлари олиб борилмоқда.

Мақола муаллифи