Mbappedan poker: Fransiya va Belgiya JCHga yo‘l oldi
Sport
−
14 noyabr 2021
2827Kecha, 13 noyabr kuni Yevropa qit’asida 2022 yilgi Jahon chempionatining saralash uchrashuvlari bo‘lib o‘tdi.
“D” guruhi peshqadami Fransiya terma jamoasi o‘z maydonida Qozog‘istonga imkoniyat qoldirmadi – 8:0. Ushbu g‘alabadan so‘ng, “xo‘rozlar” Jahon chempionati yo‘llanmasini qo‘lga kiritdi. Ushbu uchrashuvda Kilian Mbappe poker qayd etgan bo‘lsa, Karim Benzema dublga erishdi.
Fransiya 8:0 Qozog‘iston:
Gollar: 1:0 – 6’ Mbappe, 2:0 – 12’ Mbappe, 3:0 – 32’ Mbappe, 4:0 – 55’ Benzema, 5:0 – 59’ Benzema, 6:0 – 75’ Rabo, 7:0 – 84’ penalti Grizmann, 8:0 – 87’ Mbappe.
“E” guruhida Belgiya terma jamoasi Estoniyani qabul qildi va ushbu bahsda ishonchli g‘alabani qo‘lga kiritdi. Ushbu g‘alabadan so‘ng, Roberto Martines shogirdlari Jahon chempionat yo‘llanmasini naqd qildi.
Belgiya 3:1 Estoniya
Gollar: 1:0 – 11’ Benteke, 2:0 – 53’ Karrasko, 2:1 – 70’ Sorga, 3:1 – 74’ Torgan Azar.
Guruhdagi ikkinchi o‘yinda Garet Beyl sardorligidagi Uels o‘z maydonida Belarus terma jamoasi ustidan g‘alaba qozonib, ikkinchi o‘ringa ko‘tarilib oldi.
Uels – Belarus 5:1
Gollar: 1:0 – 2’ Remzi, 2:0 – 20’ Uilyams, 3:0 – 50’ penalti Remzi, 4:0 – 77’ Devis, 4:1 – 87’ Konsevoy, 5:1 – 89’ Robert
“G” guruhida ishtirok etayotgan Niderlandiya terma jamoasi Chernogoriya bilan bahsning so‘nggi daqiqalarda tayyor g‘alabani qo‘ldan chiqardi. Agar ushbu bahsda “uchar gollandlar” g‘alaba qozonganida, mundial yo‘llanmasini qo‘lga kiritar edi.
Chernogoriya 2:2 Niderlandiya
Gollar: 0:1 – 25’ penalti Depay, 0:2 – 54’ Depay, 1:2 – 82’ Vukotich, 2:2 – 86’ Vuynovich.
Shtefan Kuns bosh murabbiyligidagi Turkiya terma jamoasi Gibraltarni qabul qilib, yirik 6:0 hisobida g‘alabaga erishdi va ushbu guruhda ikkinchi o‘ringa ko‘tarilib oldi. Jahon chempionati yo‘llanmasi so‘nggi turda Niderlandiya, Norvegiya va Turkiya o‘rtasida kechadi.
Turkiya 6:0 Gibraltar
Gollar: 1:0 – 11’ Akturko‘g‘lu, 2:0 – 38’ Dervisho‘g‘lu, 3:0 – 41’ Dervisho‘g‘lu, 4:0 – 65’ Demiral, 5:0 – 81’ Dursun, 6:0 – 84’ Myuldyur
Shuningdek, Erling Xollandsiz Norvegiya terma jamoasi Latviyani yenga olmadi va guruhda uchinchi o‘ringa tushib qoldi. Jamoa so‘nggi turda Niderlandiya mehmoni bo‘ladi.
Norvegiya – Latviya 0:0
Bugun, 14 noyabr kuni Portugaliya – Serbiya, Xorvatiya ؘ– Rossiya, Ispaniya – Shvetsiya o‘yinlari o‘tkaziladi.
LiveBarchasi
07 noyabr 2023
07 noyabr 2023
07 noyabr 2023