Mbappe “Real”ga o‘tish sanasini o‘zi belgilaydi
Sport
−
05 aprel 2521
Madridning “Real” klubi hozirda PSJda o‘ynayotgan hujumchi Kilian Mbappega klubga o‘tish vaqtini o‘zi tanlashiga ruxsat beradi. Bu haqda “Football-Espana” xabar berdi.
Ispaniya OAVda Mbappening “Real”ning yangi futbolchisi sifatida joriy mavsum yakuni va Yevropa chempionati boshlanishi oralig‘idagi davr uchun rejalashtirilgan taqdimoti 2024 yilning avgustiga ko‘chirilishi mumkinligi haqida xabarlar tarqaldi.
Bundan tashqari, Kilian allaqachon “Real” bilan 2029 yilgacha mo‘ljallangan shartnoma imzolagani aytilmoqda.
Ma’lum bo‘lishicha, hujumchi jamoadoshlari va PSJ murabbiylar shtabiga joriy mavsum yakunida jamoani tark etishini aytgan. O‘z navbatida, “qaymoqranglilar” prezidenti Florentino Peres klub murabbiylar shtabiga Mbappening “Real Madrid”ga o‘tishi haqida xabardor qilgan.
