Mbappe “Real”da Benzemaning natijasini takrorladi
Sport
−
17 yanvar 1834
“Real” hujumchisi Kilian Mbappe Ispaniya kubogi doirasidagi “Selta”ga qarshi o‘yinda gol urdi va Madrid klubi safida bungacha faqat Karim Benzema erishgan natijani takrorladi. Bu haqda “MisterChip” X sahifasi xabar berdi.
Ma’lum bo‘lishicha, Mbappe bir mavsumda oltinchi turnirida gol urdi. Karim Benzema buni 2022/2023 yilgi mavsumda uddalagandi. Joriy mavsumda Mbappe Ispaniya chempionati, Ispaniya Superkubogi va kubogi, Yevropa Chempionlar ligasi, Qit’alararo kubok va UEFA Superkubogida gol urdi.
Mbappe “Real”ga yozgi transfer oynasida qo‘shilgan edi. Futbolchining klub bilan shartnomasi 2029 yilgacha mo‘ljallangan.
Ma’lumot uchun, 17 yanvarga o‘tar kechasi “Real” Ispaniya kubogi nimchorak finali doirasida “Selta”ni qabul qilib, yirik 5:2 hisobida g‘alaba qozondi va turnirning chorak finaliga yo‘l oldi.
