Mbappe PSJdan 14 futbolchini ketqazmoqchi – OAV

PSJ hujumchisi Kilian Mbappe jamoani tark etishi kerak bo‘lgan 14 kishidan iborat ro‘yxat tuzgan. Bu haqda “Mundo Deportivo” nashri xabar berdi.

Manbaga ko‘ra, ro‘yxatda Maurisio Pochettino, Neymar, Mauro Ikardi, Yulian Draksler, Tilo Kexrer, Leandro Paredes, Ander Errera, Leyvin Kurzava, Danilo Pereyra, Pablo Sarabiya, Xuan Bernat, Idrissa Guye, Kolin Dagba va Serxio Riko bor.

Qayd etish joizki, Kilian Mbappening o‘zi ushbu xabarlar haqiqat yaqin emasligigini ijtimoiy tarmoqdagi sahifalari orqali bildirib o‘tgan. Biroq Mbappe klub boshqaruviga bevosita aralashishi mumkin. Shu sabab Kilian istagan futbolchiga Parij klubi eshiklarini yopib qo‘yish imkoniyatiga ega.

Yaqinda 23 yoshli futbolchi shov-shuvli tarzda PSJ bilan shartnomasini 2025 yilning yoziga qadar uzaytirdi. Norasmiy ma’lumotlarga ko‘ra, fransiyalik futbolchining yangi shartnoma bo‘yicha klubdagi maoshi 93 million yevroni tashkil qiladi va u dunyodagi eng ko‘p maosh oluvchi futbolchiga aylangan.

Ma’lumot o‘rnida, Mbappe o‘tgan mavsumda PSJ safida barcha musobqalar doirasida 46 o‘yinda maydonga tushib, 39 ta gol urgan va 26 ta golga assistentlik qilgan.

Ma’ruf Abdumalikov