Mbappe Madridda mashina hayday olmaydi

Rasman “Real” futbolchisiga aylangan fransiyalik futbolchi Kilian Mbappe Madridda avtomobil haydash imkoniyatiga ega emas. Bu haqda “Mundo Deportivo” xabar berdi.

Manbaga ko‘ra, 25 yoshda Mbappeda haydovchilik guvohnomasi yo‘q va futbolchining o‘zi ham avtomobil boshqarishga unchalik qiziqmaydi. 

“Menda haydovchilik guvohnomasi kabi oddiy narsalar yo‘q. Qisqa vaqtda yaxshigina yutuqlarga erishdim, ixtiyorimda haydovchilar bor. Haydovchilik guvohnomasini olish masalasi meni sira o‘ylantirmagan”, deydi Kilian.

Qayd etish joiz, “Real”ga o‘tish orqali Mbappening bolalikdagi orzusi ushaldi. U bolaligidan “qirollik klubi” safida to‘p tepishni niyat qilgan. Shuningdek, Kilian taqdimot paytida Krishtianu Ronalduning afsonaviy iborasini takrorladi – “Uno, dos, tres...Hala Madrid!”

Eslatib o‘tamiz, avvalroq “Real” himoyachi Lukas Vaskes bilan shartnomani uzaytirgani xabar qilingandi.