Mashhur sport sharhlovchisi Akrom Toshxo‘jayev olamdan o‘tdi
Sport
−
29 noyabr 2020
9718Bugun, 29 noyabr kuni O‘zbekiston Respublikasida xizmat ko‘rsatgan jurnalist, mamlakatda shaxmat sportining rivojiga salmoqli hissa qo‘shgan inson, taniqli sport sharhlovchisi Akrom Toshxo‘jayev 66 yoshida olamdan o‘tdi. Bu haqda O‘zbekiston Respublikasi Jismoniy tarbiya va sport vazirligi Matbuot xizmati xabar bermoqda.
Akrom Toshxo‘jayevning butun mehnat faoliyati O‘zbekiston milliy teleradiokompaniyasida o‘tgan. Uzoq yillar “O‘zbekiston” telekanalida, 2004 yildan to nafaqaga chiqqunga qadar “Sport” teleradiokanalida ishlagan.
Ma’lumot o‘rnida, Akrom Toshxo‘jayev o‘zbekistonlik birinchi va hozircha yagona jahon chempioni (kattalar o‘rtasida) Rustam Qosimjonovning chempionlik toji uchun o‘tkazgan o‘yinlarini yuksak saviyada sharhlagan edi.
Qalampir.uz tahririyati marhumning oila a’zolari va yaqinlariga chuqur hamdardlik bildiradi.
LiveBarchasi