Marselo “Al-Nasr” taklifini qabul qildi

“Inter” jamoasining xorvatiyalik yarim himoyachisi Marselo Brozovich Saudiyaning “Al-Nasr” klubi taklifini qabul qildi. Bu haqda jurnalist Fabritsio Romano o‘zining Twitter sahifasida ma’lum qildi.

Romanoga ko‘ra, bugun, 30 iyun kuni xorvatiyalik futbolchi tibbiy ko‘rikdan o‘tadi va 2026 yilning yoziga qadar hisoblangan shartnomaga imzo chekadi.

Qayd etilishicha, “Al-Nasr” Brozovich uchun “Inter” jamoasiga 23 million yevro to‘laydi. Marseloning o‘zi esa 3 yillik shartnoma davrida 100 million yevro mablag‘ni qo‘shimcha bonuslar bilan birga oladi.

Ma’lumot uchun, “qora-ko‘klar” safiga 2015 yilda Zagrebning “Dinamo”sidan ko‘chib o‘tgan xorvatiyalik o‘tgan mavsumda A Seriyada “Inter” safida 28 ta o‘yinda maydonga tushib, 3 ta gol urdi va 5 ta golli uzatmani amalga oshirdi.

Shuningdek, u Xorvatiya terma jamoasi tarkibida 2018 yilgi Jahon chempionatining kumush medali va 2022 yilgi JCHning bronza medali sohibiga aylangan.