Markaziy bank raisiga yangi o‘rinbosar tayinlandi
Jamiyat
−
27 iyul 2023 6610
O‘zbekiston Respublikasi Prezidentining Farmoni bilan Sodir Meliboyev Odilovich Markaziy banki raisi o‘rinbosari etib tayinlandi. Bu haqda Markaziy bank matbuot kotibi xabar berdi.
Qayd etilishicha, Sodir Meliboyevning zimmasiga buxgalteriya hisobi va hisoboti, xavfsizlik va axborotni muhofaza qilish, to‘lov tizimlari, axborot texnologiyalari hamda respublikada HUMO milliy to‘lov tizimi faoliyatining uzluksiz ishlashini nazorat qilish vazifalari yuklatilgan.
Shu kungacha Meliboyev Markaziy bankning Axborot texnologiyalari departamenti direktori lavozimida ishlab kelayotgan edi.
Ma’lumot uchun, Sodir Meliboyev 1969 yilda tug‘ilgan. 1992 yilda Toshkent davlat iqtisodiyot universitetini tamomlagan. U bank tizimida 15 yillik ish tajribasiga ega.
Live
Barchasi
