“Manchester Yunayted” Reshfordni “Napoli” futbolchisiga almashtirmoqchi
Sport
−
10 yanvar 673
Angliyaning “Manchester Yunayted” klubi “Napoli” vingeri Xvicha Kvaratsxeliyani xarid qilmoqchi. Bu haqda “L'Equipe” nashri xabar berdi.
Manbaga ko‘ra, “mankunianliklar” murabbiy bilan kelisha olmayotgan Reshfordni Xvichaga almashtirish borasida neapolliklarga taklif yubormoqchi. Shuningdek, gruziyalik futbolchi uchun PSJ ham jiddiy kurashga kirishgan. “Napoli” rahbarlari ham futbolchini sotishga qarshi emasligini bildirgan.
Ma’lumot o‘rnida, Xvichaning Neapol klubi bilan amaldagi shartnomasi 2027 yilda yakuniga yetadi. Kvaratsxeliya klub safida joriy mavsum barcha musobaqalarda 19 ta o‘yinda maydonga tushib, 5 ta gol urdi va 3 ta golga assistentlik qildi. 23 yoshli gruziyalik vingerning narxi “Transfermarkt” portalida 85 million yevroga baholangan.
Eslatib o‘tamiz, avvalroq, Reshford uchun Germaniyadan ham da’vogar paydo bo‘lgani haqida xabar berilgan edi.
Live
Barchasi
