“Manchester Siti” Angliya klublari orasida eng muvaffaqiyatli natijaga erishdi
Sport
−
23 dekabr 2023
3084Angliyaning “Manchester Siti” jamoasi klublar o‘rtasidagi Jahon chempionati finalida Braziliyaning “Fluminense” klubini 4:0 hisobida mag‘lub etib, 2023 yildagi beshinchi sovrinini qo‘lga kiritdi.
Ortda qolayotgan yil davomida “shaharliklar” APL, Yevropa Chempionlar ligasi, Angliya kubogi va Yevropa Superkubogida g‘olib chiqdi. Pep Gvardiola shogirdlari faqatgina Angliya Superkubogida “Arsenal”ga mag‘lub bo‘ldi.
Shu vaqtga qadar “Manchester Siti” hech qachon bir yil ichida bunchalik ko‘p sovrin yutmagan.
Qolaversa, “shaharliklar”ga qadar birorta ham ingliz jamoasi bir yil ichida APL, Yevropa Chempionlar ligasi, Angliya kubogi, Yevropa Superkubogi va klublar o‘rtasidagi jahon chempionatida g‘alaba qozona olmagan.