“Man Siti” muxlislari Husanovning tezroq maydonga tushishini xohlamoqda
Sport
−
24 yanvar 10362
Angliyaning “Manchester Siti” klubi qisqa vaqt ichida 3 ta transferni e’lon qildi va hozircha transfer qilingan futbolchilardan hech biri klubda debyut qilishga ulgurgani yo‘q.
Klubning norasmiy sahifalaridan birida so‘rovnoma o‘tkazildi. Jamoa muxlislari qaysi futbolchining debyutini tezroq ko‘rishni xohlayotganlarini bildirgan holda so‘rovnomada ishtirok etdi.
150 mingdan ortiq ovoz berilgan so‘rovnomada eng ko‘p ovozni O‘zbekiston milliy terma jamoasi a’zosi Abduqodir Husanov to‘pladi. Bu borada 2-o‘rin misrlik Omar Marmushga, 3-o‘rin esa braziliyalik Vitor Reysga nasib etdi.
Ma’lumot uchun, “Manchester Siti” keyingi o‘yinini 25 yanvar kuni Angliya chempionati doirasida “Chelsi”ga qarshi o‘tkazadi. Mazkur uchrashuvda Abduqodir Husanovning shaharliklar safida debyut qilish ehtimoli bor.
Eslatib o‘tamiz, avvalroq “Siti” misrlik Omar Marmush transferini e’lon qilgandi.
Live
Barchasi
