Mali Ukraina bilan diplomatik aloqalarini uzdi

Mali harbiy rahbariyati Ukraina bilan diplomatik aloqalarni uzdi, chunki u malilik isyonchilar koalitsiyasini qo‘llab-quvvatlagan. Bu haqda “Bloomberg” agentligi xabar berdi.

Hukumat bayonotida aytilishicha, bunday qaror Ukraina harbiy razvedka agentligi vakili mamlakat o‘tgan oy Mali qurolli kuchlariga qarshi kurashayotgan Tuareg isyonchilariga Mali shimolidagi janglarda ma’lumot berganini aytganidan keyin qabul qilingan.

Shimoliy Tuareg isyonchilari G‘arbiy Afrika mamlakatining shimolida o‘tgan oy oxiridagi uch kunlik janglarda kamida 84 nafar yollanma askar va 47 nafar Mali askarini o‘ldirgani aytilmoqda. Bu ikki yil avval “Vagner”ning mojaroga kirganidan beri eng og‘ir mag‘lubiyati bo‘ldi.

Ukraina Bosh razvedka boshqarmasi matbuot kotibi Andrey Yusov, avvalroq Kiyev isyonchilarga hujum bo‘yicha razvedka ma’lumotlarini taqdim etganini aytib, iyul oyi oxirida Ukraina televideniyesi orqali “isyonchilar zarur ma’lumotlarni oldi, bu esa Rossiya urushiga qarshi muvaffaqiyatli harbiy operatsiya o‘tkazish imkonini berdi” degan edi.

Eslatib o‘tamiz, o‘tgan yil sentyabrda Malida harbiy samolyotning qulashi oqibatida mamlakat askarlari va “Vagner” jangchilari halok bo‘lgan edi.

Zebo Turobjonova