Maxfiy chatga jurnalistni qo‘shib qo‘ygan Uolts Oq uydan ketdi

north_east

Baxtiyor Saidov Trampning jamoasi bilan uchrashdi (video)

north_east

Trampning odami rossiyaparast takliflarni ilgari surmoqda

AQSH Prezidenti Donald Trampning milliy xavfsizlik bo‘yicha maslahatchisi Mayk Uolts va uning o‘rinbosari Aleks Vong o‘z lavozimlarini tark etadi. Bu haqda manbalariga tayanib, CBS va “Politico” xabar berdi. “Fox News” esa ular allaqachon iste’foga chiqqanini yozmoqda. 

Mart oyida Uolts janjal markazida edi. U Oq uyning yuqori martabali amaldorlari uchun Signal messenjerida guruh suhbatini tashkil qildi. Ular Yamandagi husiylarga qarshi hujumlarni muhokama qildi. “Atlantic”jurnalining bosh muharriri Jeffri Goldberg u yerga tasodifan qo‘shilib, yozishmalarning skrinshotlarini nashr etdi.

“Atlantic” yozishmalar tafsilotlariga kirmasdan, maqolani chop etishdan oldin milliy xavfsizlik bo‘yicha ixtisoslashgan yuristlar bilan maslahatlashgan. Ularning barchasi harbiy harakatlarni muhokama qilish uchun Signal'da guruh suhbatini yaratish orqali Uolts josuslik qonunini buzganini aytgan. Bundan tashqari, mansabdor shaxs tomonidan o‘rnatilgan yozishmalardan xabarlarni avtomatik ravishda o‘chirish dasturi rasmiy hujjatlarni saqlash to‘g‘risidagi qonunga zid keladi.

Uolts, Mudofaa vaziri Pit Hegset va boshqa rasmiylar maxfiy ma’lumotlarni oshkor qilishda ayblangan, ular ayblovlarni rad etgan. Uolts esa sodir bo‘lgan voqea uchun javobgarlikni o‘z zimmasiga olgan.

Tramp omma oldida “soxta xabarlar” va “jodugar ovi”da aybdor bo‘lgan hech kimni ishdan bo‘shatmaslikka va’da berdi. U hali ham Uolts va Hegsetga ishonasizmi, degan savolga ijobiy javob berdi.

“Politico” ma’lumotlariga ko‘ra, Tramp jamoatchilikda holi vaziyatda Uoltsning “buzilgan”ini tan olgan. 

“Ular matbuotga bosh terisini berishni xohlamaydi”, deb tushuntirdi manbalardan biri. 

Nashr manbalari mart oyi oxirida ma’muriyat maslahatchini olib tashlash uchun qulay vaqtni kutayotgan bo‘lishi mumkinligini taxmin qilishdi.

“The Washington Post” gazetasi Uolts va uning qo‘l ostidagilar hukumatning yozishmalari uchun shaxsiy Gmail akkauntlaridan foydalanganini, xususan, nozik harbiy masalalar va qurol tizimlarini muhokama qilganini aniqlagan. 

“Politico” manbasiga ko‘ra, Prezidentning Yaqin Sharq bo‘yicha maxsus vakili sifatida ishlab kelayotgan Stiv Uitkoff milliy xavfsizlik bo‘yicha maslahatchi lavozimini egallashi mumkin. Uitkoff nomzodini ko‘plab yuqori martabali amaldorlar qo‘llab-quvvatlamoqda. 

“Oq uy bir necha hafta davomida maslahatchi lavozimiga nomzodlarni muhokama qilmoqda”, deb yozadi “Politico”.

Ma’lumot uchun, 51 yoshli Uolts Afg‘oniston, Yaqin Sharq va Afrikada xizmat qilgan, nafaqadagi maxsus kuchlar zobitidir. U avval Oq uyda va Pentagonda ishlagan va 2018 yilda Kongressga saylangan. Tayinlanishidan oldin ham u Xitoyga nisbatan taniqli tanqidchi bo‘lib, mamlakatni “ekzistensial tahdid” deb atagan. Siyosatchi NATO ittifoqdoshlarini mudofaa xarajatlari kamligi uchun tanqid qilgan va AQSHning Ukrainaga harbiy yordam berishiga shubha bilan qaragan.

Uolts Rossiya va Qo‘shma Shtatlar bilan muzokara olib borayotgan Amerika jamoasining bir qismi edi. U Rossiya-Ukraina mojarosini muhokama qilish uchun Rossiya Prezidentining yordamchisi Yuriy Ushakovga qo‘ng‘iroq qilgan.

Uning maslahatchisi Aleks Vong Trampning birinchi ma’muriyatida Shimoliy Koreya bo‘yicha maxsus vakil o‘rinbosari sifatida ishlagan. Tramp Vongni yangi lavozimga tayinlaganini e’lon qilar ekan, u Vongga Shimoliy Koreya yetakchisi Kim Chen In bilan uchrashuv bo‘yicha muzokaralar olib borishda yordam berganini aytgan.