Makgregor navbatdagi jangi qachon o‘tkazilishini ma’lum qildi
Sport
−
28 avgust 2023 6786
Irlandiyalik UFC jangchisi Konor Makgregor 16 dekabr kuni Las-Vegasda UFC 296 turnirida amerikalik Maykl Chandlerga qarshi jang qiladi. Bu haqda sportchining o‘zi X sahifasida ma’lum qildi.
Makgregor yengil vazn toifasida sobiq UFC chempioni hisoblanadi. Irlandiyalik sportchi UFC'da 22 ta g‘alaba va 6 ta mag‘lubiyat qayd etgan. 37 yoshli Chandler esa professional faoliyatida 23 marta g‘alaba qozonib, 8 ta jangida mag‘lubiyatga uchragan.
Ta’kidlash joiz, ko‘pgina xorijiy nashrlar Makgregor-Chandler jangi bo‘lmasligini taxmin qilmoqda, chunki AQSH dopingga qarshi kurashish agentligi (USADA) irlandiyalik sportchiga jang qilishga ruxsat bermagan. Konor jang o‘tkazishidan avval 6 oy mobaynida USADA tekshiruvida bo‘lishi kerak.
