“Magic City”da janjal. O‘q ovozi qayerdan eshitildi?
Jamiyat
−
08 noyabr 2021 12480
Ijtimoiy tarmoqlarda "Magic City"da ommaviy tartibsizlik yuz bergani haqidagi xabarlar tarqalmoqda. Mazkur holat yuzasidan Ichki ishlar vazirligi Matbuot xizmati izoh berdi.
Qayd etilishicha, joriy yilning 6 noyabr kuni taxminan soat 22:30 larda Toshkent shahar Chilonzor tumanida joylashgan "Magic City"da janjal sodir bo‘lgan.
Ma’lum qilinishicha, gaz to‘ldirilgan sharlarni sotuvchi yigitlar 2000 yil U.D., 2002 yil A.X., 2003 yil I.U., 2004 yil M.T. noqonuniy savdo qilayotgani uchun majmuaning qo‘riqlash xizmati xodimlari tomonidan chiqarib yuborilayotganda, ular o‘rtasida o‘zaro janjal yuz bergan.
Hozirda mazkur holat yuzasidan Chilonzor tumani IIO FMB tomonidan tergovga qadar tekshiruv ishlari olib borilmoqda.
Ijtimoiy tarmoqlardagi gaplarga qaraganda, janjal vaqtida qurol ovozi ham eshitilgan. IIV bunga aniqlik kiritgani yo‘q.
