La Liga rahbari Messining “Barselona”ga qaytishi bo‘yicha qanday fikrda?
Sport
−
20 aprel 2023 6571
La Liga rahbari Xaver Tebas PSJ hujumchisi Lionel Messining “Barselona”ga qaytishi mumkinligi haqida gapirdi.
“Men Messining muxlisiman va uni dunyoning eng yaxshi futbolchisi deb hisoblayman, ammo Lionelning Kataloniyaga qaytishi uchun biz hech qanday qoidalarni o‘zgartirmoqchi emasmiz. Menimcha, “Barselona” Messini qaytarib olishi mumkin. Bilishimcha, Messi qaytish fikrida. “Barselona”da Messini o‘z safiga qaytarish imkoniyati bor, lekin bu qiyin bo‘ladi”, deydi Tebas.
BAAning yirik kompaniyalaridan biri argentinalik hujumchining “Barselona”ga qaytishi uchun sarmoya kiritmoqchi.
Eslatib o‘tamiz, avvalroq Messining transferi Kataloniya klubining moliyaviy holatiga ijobiy ta’sir ko‘rsatishi xabar qilingandi. Messining qaytishi klubning kelasi mavsumdagi umumiy daromadining 25 foizini tashkil qilishi kutilmoqda.
Live
Barchasi
