Krouford 2025 yilning eng yaxshi bokschisi deb topildi (video)

Amerikalik bokschi Terens Krouford “The Ring” nashri talqiniga ko‘ra, 2025 yilning eng yaxshi bokschisi deb topildi. Bu haqda nashr o‘zining rasmiy sahifasida ma’lum qildi.

Taqdirlash marosimi AQSHning Nyu-York shahrida bo‘lib o‘tdi. Mazkur mukofot uchun, shuningdek rossiyalik Dmitriy Bivol, yaponiyalik Naoya Inoue, amerikalik Jessi Rodriges hamda ingliz bokschisi Fabio Uordli ham da’vogarlik qilgan.

Ma’lumki, Krouford 2025 yilning 16 dekabr kuni professional faoliyatini yakunlayotganini e’lon qilgan edi. 2025 yilning 3 dekabr kuni esa u chempionlik badallarini to‘lamagani sabab Jahon boks kengashi (WBC) tomonidan chempionlik unvonlaridan mahrum qilingan edi.

38 yoshli bokschi professional ringda jami 42 ta jang o‘tkazib, ularning barchasida g‘alaba qozongan (31 tasi nokaut bilan). U faoliyati davomida mag‘lubiyatga uchramagan.

Terens Krouford o‘smirlar o‘rtasida yarim o‘rta vazn toifasida (2017) hamda yarim o‘rta vazn toifasida (2023) mutlaq jahon chempioni bo‘lgan. Shuningdek, u boks tarixida uchta vazn toifasida mutlaq jahon chempioniga aylangan birinchi bokschi sifatida qayd etilgan. Krouford besh xil vazn toifasida chempionlik unvonlarini qo‘lga kiritgan.