Koronavirusga qarshi dori vositalari ro‘yxatiga o‘zgartirish kiritildi

Xabaringiz bor, Vazirlar Mahkamasining 2020 yil 22 iyuldagi 449-son Qarori bilan, 2020 yilning 1 oktyabriga qadar, O‘zbekiston Respublikasida ro‘yxatdan o‘tkazmasdan hamda sertifikatlashtirmasdan import qilinadigan, COVID-19 infeksiyasi bilan kasallangan bemorlarni davolashda qo‘llaniladigan tibbiy buyumlar va tibbiy texnikalar hamda O‘zbekiston Respublikasida ro‘yxatdan o‘tkazmasdan, majburiy sertifikatsiyalashtirish sharti bilan import qilinadigan, COVID-19 infeksiyasi bilan kasallangan bemorlarni davolashda qo‘llaniladigan dori vositalari va biologik faol moddalar ro‘yxati tasdiqlangan edi.

Hukumatning tegishli qarori bilan bu ro‘yxatga Ekspress test SARS-CoV-2 Antibody Test (Express-test) tibbiyot buyumi hamda boshqa dori vositalari kiritildi.

Farmatsevtika tarmog‘ini rivojlantirish agentligi ma’lumotiga ko‘ra, begilangan tartib, 2021 yilning 1 martiga qadar uzaytirilmoqda.

Eslatib o‘tamiz, avvalroq bu ro‘yxatga Xitoyda ishlab chiqarilgan Lyanxua Sinven dori vositasi ham qo‘shilgandi.