Koronavirus aniqlanmagan Turkmanistonda emlash majburiy etib belgilandi 

Olam 3984
image

Turkmanistonda aholini koronavirusga qarshi majburiy emlash joriy etildi — mamlakatda 18 yoshdan oshgan barcha emlanishi shart. Bu haqda “Neytral Turkmaniston” gazetasi xabar bergan.  

“18 yoshdan katta barcha aholi agar COVID-19 ga qarshi emlanish uchun qarshi ko‘rsatmalari bo‘lmasa, ular emlanadi”, deyilgan xabarda. 

Bir nechta toifalar emlanishdan ozod qilingan: 

  • preparatning tarkibiy qismlaridan biriga allergiyasi bo‘lganlar; 
  • homilador ayollar va laktatsiya davridagi ayollar; 
  • 18 yoshgacha bo‘lganlar; 
  • shuningdek, harorati yuqori bo‘lganlar, o‘tkir yoki surunkali kasalliklarga chalinganlar. 

Turkmanistonning rasmiy ma’lumotlariga ko‘ra, mamlakatda birorta ham koronavirus kasalligi qayd etilmagan. Joriy yilning boshida Turkmanistonda Rossiyaning koronavirusga qarshi “Epivakkorona” vaksinasi ro‘yxatdan o‘tkazilgan.

Rushana Sultonova
Maqolaga baho bering
Baholaganlar: 106
Reyting: 3
t
×