Kolumbiya Isroilga ko‘mir eksportini taqiqladi
Olam
−
19 avgust 2733
Bugun, 19 avgust kuni Kolumbiyadan Isroilga ko‘mir eksport qilish taqiqi kuchga kirdi. Bu haqda mamlakat Prezidenti veb-saytida xabar qilindi.
“Kolumbiya hukumati Isroilga ko‘mir eksport qilishni taqiqladi”, deyiladi xabarda.
Kolumbiya Savdo, sanoat va turizm vazirligi “Isroilga ko‘mir eksportini taqiqlovchi” farmonni e’lon qilgan. Cheklov bugun, 19 avgustdan kuchga kirdi.
Ma’lumot uchun, Kolumbiya dunyodagi eng yirik ko‘mir eksportchilaridan biri bo‘lib, uning ulushi Isroil iste’mol qiluvchi yoqilg‘i importining yarmidan ko‘pini tashkil qiladi.
Eslatib o‘tamiz, avvalroq, Kolumbiya hukumati Isroil-HAMAS urushi tufayli mamlakat bilan diplomatik aloqalarni uzganini e’lon qilgan edi.
Live
Barchasi
