KXSHT Japarov va Rahmon orasiga kirmoqchi

Olam 6030
image

Kollektiv Xavfsizlik Shartnomasi Tashkiloti (KXSHT) Qirg‘iziston va Tojikiston chegarasida vaziyatni normallashtirishga yordam berishga tayyor. Bu haqda bugun, 23 noyabr kuni KXSHT Tashqi ishlar vazirlari kengashi, Mudofaa vazirlari kengashi va Xavfsizlik kengashlari kotiblari qo‘mitasining qo‘shma majlisida so‘zlagan KXSHT bosh kotibi Stanislav Zas ma’lum qildi. 

“Markaziy Osiyo mintaqasida biz tojik-qirg‘iz chegarasidagi vaziyatni normallashtirishga alohida e’tibor qaratamiz, biz KXSHT mamlakatlarimizga ushbu maqsadga erishishda yordam berish uchun zarur resurslar va tajribaga ega, deb hisoblaymiz, albatta, agar Tojikiston Qirg‘iziston esa buni zarur deb hisoblasa”, deb aytdi u. 

Shuningdek, Zasning so‘zlariga ko‘ra, mintaqada KXSHTga a’zo davlatlar hududida terrorchilik faoliyati,  fg‘onistondan qurol-yarog‘ va giyohvand moddalarning noqonuniy aylanishining tarqalishi xavfi mavjud. 

“Shu munosabat bilan tojik-afg‘on chegarasida chegara xavfsizligini kuchaytirish masalasi ham e’tibordan chetda qolmaydi”, deydi u.

Eslatib o‘tamiz, bugun, 23 noyabr kuni Armaniston poytaxti Yerevanda Kollektiv Xavfsizlik Shartnomasi Tashkilotiga a’zo davlatlar rahbarlarining navbatdagi yig‘ilishi bo‘lib o‘tmoqda.

Qalampir.uz Tahririyati
Maqolaga baho bering
Baholaganlar: 135
Reyting: 2.9
Teglar
t
×