KXDRda “Tottenxem” o‘yinlari translyatsiyasi taqiqlandi
Sport
−
15 fevral 10579 1 daqiqa
Shimoliy Koreya yetakchisi Kim Chen In mamlakatda Janubiy Koreya futbolchilari ishtirokidagi futbol o‘yinlarini translyatsiya qilinishini taqiqladi. Bu haqda “Football Xtra” X sahifasi xabar berdi.
Manbaga ko‘ra, Kim faqatgina “Tottenxem”ni emas, balki Angliya Premer ligasida to‘p tepuvchi Janubiy Koreya terma jamoasi vakillari ishtirokidagi barcha o‘yinlarni translyatsiya qilinmasligini ma’lum qilgan. Masalan, “Tottenxem”da Son Xyon Min, “Brentford”da Kim Su va “Vulverxempton”da Xvang Xi Chan kabilar to‘p tepadi.
Ma’lumot uchun, Shimoliy Koreyada APL o‘yinlari translyatsiya qilinadi, ammo 4 oy vaqt o‘tganidan so‘ng. Doimiylik 90 daqiqadan 60 daqiqagacha qisqartirilgan va o‘yindan keyin darhol kechki yangiliklar efirga uzatiladi.
