Kiyevga havo hujumi uyushtirildi

Bugun, 2 avgustga o‘tar kechasi Ukraina poytaxti Kiyevning uchta tumanida portlashlar sodir bo‘ldi. Bu haqda shahar meri Vitaliy Klichko ma’lum qildi.

Uning Telegram-kanalida e’lon qilingan ma’lumotlarga ko‘ra, portlashlar avval Solomenskiyda, keyin esa Goloseyevskiy tumanida sodir bo‘lgan. Keyinroq Klichko Svyatoshinskiy tumanidagi yong‘in haqida ma’lum qildi.

O‘z navbatida, poytaxt harbiy ma’muriyati rahbari Sergey Popko portlashlardan so‘ng, “noturar joy bo‘lgan binolar”ga zarar yetkazilganini bildirdi. Uning so‘zlariga ko‘ra, Kiyevda havo hujumidan mudofaa tizimi ishlagan. Ukraina poytaxtidagi havo hujumi bir soatdan ortiq davom etgan.

Eslatib o‘tamiz, oldinroq ham Ukraina poytaxti Kiyev, shuningdek, Zaporoje, Xarkov va Dnepropetrovsk viloyatlariga raketa va hujumchi dronlar bilan zarba berilgandi. Rossiya poytaxti Moskvaga esa 24, 28, 30 iyul va 1 avgust kuni dronlar hujumi uyushtirilgandi.