Kiyevda vertolyot qulashiga taxminiy sabab ma’lum qilindi

Avval xabar berganimizdek, Ukrainaning Kiyev viloyatidagi Brovari shahrida vertolyot qulab, 18 kishi halok bo‘lgan. Fransiyaga tegishli bo‘lgan Eurocopter EC225 LP Super Puma vertolyotining halokatga uchrashiga taxminiy sabab ekipajning tajribasizligi bo‘lishi mumkin. Bu haqda havo kuchlari mayori, uchuvchi-instruktor Andrey Krasnoperov ma’lum qildi, deb yozadi "Izvestiya" o‘zining Telegram-kanalida.

U vertolyot juda past xavfli balandlikda uchganini tushuntirdi. Samolyot yo‘lida qandaydir to‘siq bo‘lgan bo‘lishi mumkin, deya qo‘shimcha qildi u.

“Ular balandroqqa ko‘tarilishga qo‘rqdi, chunki radarlarimiz ularni darhol ko‘rishardi. Biz Ukraina osmonini biznikidan tashqari barcha samolyotlarning parvozlari uchun yopdik. Ko‘tarilgan har qanday samolyot yoki vertolyot biz uchun maqsaddir", deb tushuntirdi harbiy xizmatchi.

Ta’kidlash joiz, Ukraina Vazirlar Mahkamasi Kiyev yaqinidagi aviahalokatda respublika IIV rahbari Denis Monastirskiy, uning o‘rinbosari Yevgeniy Enin, shuningdek, departament davlat kotibi Yuriy Lubkovich ham halok bo‘lganini tasdiqlagan edi.