Kim Chen In armiyasini AQSHga qarshi urush uchun yaxshiroq tayyorlanishga chaqirdi
Olam
−
28 dekabr 2023 7968
KXDR Prezidenti Kim Chen In Koreya Mehnat partiyasi markaziy qo‘mitasining IX plenumida so‘zga chiqib, armiya uchun yangi yildagi "jangovar vazifalar"ni belgilab berdi. Bu haqda Markaziy telegraf agentligi (KCNA) ma’lum qildi.
O‘zining yakuniy nutqida u Shimoliy Koreya armiyasi va mudofaa sanoati oldiga ehtimoliy urush uchun tayyorgarlikni kuchaytirish vazifasini qo‘ydi.
“AQSHning Shimoliy Koreyaga qarshi misli ko‘rilmagan fitnalari tufayli xalq armiyasi, harbiy sanoat, yadro quroli va fuqaro mudofaasiga urushga tayyorgarlikni yanada jadallashtirish bo‘yicha jangovar topshiriqlar berildi. Shuningdek, yarim oroldagi keskin harbiy-siyosiy vaziyatni chuqur tahlil qilish, antimperialistik va mustaqil davlatlar bilan aloqalarni kengaytirish va ular bilan bosqinchilik siyosatiga qarshi qo‘shma harakatlar olib borish vazifasi qo‘yildi”, deyiladi KCNA xabarida.
Eslatib o‘tamiz, 21 noyabr kuni Shimoliy Koreya “Manrigyon-1” josuslik sun’iy yo‘ldoshini uchirgandi. Shundan so‘ng, Oq uy bu harakatni BMT Xavfsizlik Kengashi rezolyutsiyalarini buzish, deb atagan.
Live
Barchasi
