Turkiyada koronavirusdan ilk o‘lim qayd etildi
Olam
−
18 mart 2020 11827
Bugun, 18 mart kuni Turkiyada koronavirusdan ilk o‘lim holati qayd etildi. Bu haqda mamlakat Sog‘liqni saqlash vaziri Fahrettin Koja ma’lum qildi.
“Biz koronavirusga qarshi kurashda bemorni yo‘qotdik. Xitoyda kasal yuqtirgan odam bilan muloqotda bo‘lgan 89 yoshli bemor vafot etdi. Hozirda jami bemorlar soni 98 nafarga teng”, degan vazir.
Eslatib o‘tamiz, Turkiyada koronavirus bilan kasallanishning ilk holati joriy yilning 11 mart kuni qayd etilgandi.
So‘nggi ma’lumotlarga ko‘ra, dunyo bo‘yicha 198 730 kishida koronavirus aniqlangan. Ularning 82 779 nafari kasallikdan forig‘ bo‘lgan, 7989 nafari vafot etgan.
Live
Barchasi
