Xanchjou-2022. Bugun O‘zbekistondan kimlar bahsga kirishadi?
Sport
−
20 Sentabr 2023 3374
Bugun, 20 sentyabr kuni Xitoyning Xanchjou shahri mezbonlik qilayotgan Osiyo o‘yinlarida bir qator o‘zbekistonlik atletlar ishtirokini boshlaydi. Kun dasturida sportchilar akademik eshkak eshish va zamonaviy beshkurash bahslarida ishtirok etadi.
Akademik eshkak eshishning uch yo‘nalishi bo‘yicha O‘zbekiston vakillari to‘g‘ri-to‘g‘ri final yo‘llanmasiga ega chiqqan.
Jumladan, yengil vaznli erkaklar juftligida Shahzod Nurmatov va Sobirjon Safaraliyev A finalida ishtirok etadi. Shahboz Xolmirzayev va Mehrojbek Mamatqulov ham o‘z yo‘nalishida A finaliga yo‘l olgan.
Alise Faxrutdinova, Samira Abzalova, Doniyor Rahimov va Sadriddin Qobiljonov zamonaviy beshkurash bellashuvlarida qatnashadi.
Osiyo o‘yinlarining rasmiy ochilish marosimi 22 sentyabr kuni bo‘lib o‘tadi.
Live
Barchasi
