Kamilla Rahimova Ostin 125 turnirini g‘alaba bilan boshladi

Bugun, 10 mart kuni AQSHning Ostin shahrida “Chellenjer” turkumiga kiruvchi WTA 125 turnirda O‘zbekistonning birinchi raketkasi Kamilla Rahimova ishtirokini boshladi.  

Dastlabki turda Rahimova niderlandiyalik Lamens Syuzanga qarshi kortga chiqdi. 2 soat 31 daqiqa davom etgan bahsda Kamilla raqibasini uch set natijasiga ko‘ra,  5/7, 6/1, 6/4 hisobida mag‘lubiyatga uchratdi. 

Bahs davomida Rahimova 1 eys zarbasini amalga oshirgan bo‘lsa, Syuzan esa 2 ta eys va 11 ta xo‘shxato amalga oshirdi.    

Taqqoslash uchun, Rahimova ayni paytda dunyoning 88-raketkasi bo‘lib turibdi, 26 yoshli Lamens esa WTA reytingida 113-o‘rinni band etgan. O‘zbekistonning birinchi raketkasi Kamilla Rahimovaning 1/8 finaldagi raqibasi bugun 10 mart kuni aniq bo‘ladi. 

Eslatib o‘tamiz, joriy yilning 7 mart kuni Kamilla Rahimova AQSHning Indian-Uells shahridagi WTA 1000 toifasiga kiruvchi turnirda dunyoning 4 raketkasi Koko Gauffga qarshi kortga chiqqandi.