Quyichirchiqdagi portlashning yangi tafsilotlari ma’lum bo‘ldi
Jamiyat
−
12 noyabr 2019 8797
Avval xabar berganimizdek, kecha,11 noyabr kuni taxminan soat 08:30 larda Toshkent viloyati, Quyichirchiq tumani, "Surum" MFY hududida joylashgan, namunali uylarning birida kelib chiqqan yong‘in natijasida 2 nafar shaxs vafot etgan. Yong‘in is gazi sizib chiqishi sababli to‘planib qolgan gaz aralashmasi portlashi oqibatida kelib chiqqan.
Mazkur xonadonda yashovchi 36 yoshli K.R. va qaynonasi 65 yoshli Q.M. hodisa joyida vafot etgan. Bu haqda IIV huzuridagi Tergov departamenti ma’lum qildi.
Shuningdek, portlash natijasida, K. R.ning turmush o‘rtog‘i 34 yoshli P. X. va uch nafar voyaga yetmagan farzandlari turli darajadagi kuyish jarohatlari bilan shifoxonaga yotqizilgan.
Mazkur holat yuzasidan Quyichirchiq tumani prokuraturasi tomonidan tergovga qadar tekshiruv ishlari olib borilmoqda.
