Qo‘shtepa kanalida oltita yirik ko‘prik qurilishi boshlandi

Qo‘shtepa kanali loyihasining ikkinchi bosqichi doirasida oltita yirik ko‘prik qurilishi boshlandi. Bu haqda “Tolonews” nashri xabar berdi.

Qayd etilishicha, Afg‘oniston Milliy taraqqiyot kompaniyasi rasmiylari Qo‘shtepa kanali loyihasining ikkinchi bosqichida oltita katta ko‘prik qurishni rejalashtirgan. Ushbu ko‘priklarni qurishdan maqsad kanal orqali tuman va qishloqlarni bog‘lashdir. Shuningdek, kanal qurilishi odamlarning kanal atrofida harakatlanishini osonlashtiradi va bu hududlarning iqtisodiy o‘sishiga hissa qo‘shadi.

“Ushbu ko‘priklarni qurishdagi muhim narsa – tijorat karvonlari va transportdagi muammolarini bartaraf etish”, deydi afg‘onistonlik iqtisodiy masalalar bo‘yicha mutaxassis Shaker Yaqubi.

Nashrga ko‘ra, hozirda  Balx tumanining Davlatobod tumanida uchinchi ko‘prik ustida ish olib borilmoqda.

“Ko‘priklar kanalning qarama-qarshi tomonida joylashgan, u Sho‘rtepa, Qarqeen, Xamaab va boshqa qishloqlar kabi tuman va qishloqlarni bog‘laydi”, deydi Qo‘shtepa kanalining loyiha menejeri Sayid Zabihulloh Miri.

Ma’lumot uchun, hozirgi vaqtda Milliy rivojlanish kompaniyasi Qo‘shtepa kanalining ikkita katta ko‘prikni ishga tushirgan.

Eslatib o‘tamiz, avvalroq suv resurslarini boshqarish bo‘yicha afg‘on eksperti Najibulla Sadid Qo‘shtepa kanalining ishga tushirilishi Afg‘onistonga har yili o‘rtacha 500 million dollar daromad keltirishini aytgandi. Shuningdek, Rossiya kompaniyalari kanal qurilishiga aralashmoqchiligi haqida xabar berilgandi.