Qozog‘istonning Olmaota shahrida yirik yong‘in sodir bo‘ldi (video)
Olam
−
12 avgust 2023 4239
Bugun, 12 avgust kuni Qozog‘istonning Olmaota shahridagi bozorlardan birining omborxonalarida yong‘in sodir bo‘ldi. Bu haqda “Central Asia” xabar berdi.
Qayd etilishicha, shaharning Moskvina ko‘chasidagi bozor omborxonalarida bugun ertalab yong‘in chiqqan. Uni bartaraf qilish uchun 25 ta maxsus texnika, 85 kishi, shu jumladan, shahar favqulodda xizmatlari jalb qilingan. Yong‘in mahalliy vaqt bilan soat 09:45 da o‘rab olinib, o‘chirilgan.
Hodisa oqibatida halok bo‘lgan yoki jabrlanganlar haqida ma’lumot berilmagan. O‘t o‘chiruvchilar qo‘shni omborxonalarda yong‘inning oldini olish bo‘yicha ish olib bormoqda.
Eslatib o‘tamiz, avvalroq Olmaota shahridagi 16 qavatli turar joy binosida yirik yong‘in sodir bo‘lgan va oqibatda 250 dan ortiq odam evakuatsiya qilingan edi.
Live
Barchasi
