Qozog‘istonning Olmaota shahridagi 16 qavatli uyda yirik yong‘in sodir bo‘ldi (video)
Olam
−
01 avgust 2023 7663
Qozog‘istonning Olmaota shahridagi 16 qavatli turar joy binosida yong‘in sodir bo‘ldi. Bu haqda shahar sog‘liqni saqlash boshqarmasi matbuot xizmatiga tayanib, TASS xabar berdi.
Qayd etilishicha, yong‘in elektr simlaridagi tutashuv natijasida kelib chiqqan. Qutqaruvchilar binodan 250 dan ortiq odamni evakuatsiya qilgan. Ijtimoiy tarmoqlarda uyning yuqori qavatlaridan odamlarning pastga sakrashi hamda choyshab va matraslar yordamida qutqarib olinishi aks etgan videolar tarqaldi.
“18:30 holatiga ko‘ra, Olatov kichik tumanida sodir bo‘lgan yong‘in oqibatida 31 kishi shahar shifoxonalariga yetkazilgan, ulardan 16 nafari bolalardir”, deyiladi xabarda.
Mamlakat Favqulodda vaziyatlar vazirligi yong‘in mahalliy vaqt bilan 18:46 da bartaraf etilganini ma’lum qilgan.
Live
Barchasi
