Hozirgacha Qozog‘istondagi saylovda aholining necha foizi ishtirok etgani ma’lum
Olam
−
09 iyun 2019 3604
Avval xabar berganimizdek, bugun, 9 iyun kuni Qozog‘istonda navbatdan tashqari Prezident saylovi bo‘lib o‘tmoqda.
Saylov tonggi soat 6:00 da boshlangan edi.
Qozog‘iston Markaziy saylov komissiyasining xabariga ko‘ra, soat 18:00 ga kelib mamlakat saylovchilarining 72,9 % nomzodlarga o‘z ovozini berib bo‘lgan.
Ma’lumot uchun, Prezidentlik saylovlarida Qosim-Jomart Toqayev, Jambil Axmetbekov, Daniya Yespayeva, Toleutay Rahimbekov, Amirjan Kosanov, Sadibek Tugel va Amangeldi Taspixovlar kurash olib bormoqda.
Shuningdek, saylovda Elboshi Nursulton Nazarboyev, mamlakatning amaldagi Prezidenti Qosim-Jomart Toqayev va Bosh vazir Asqar Mamin ham ovoz berdi.
Saylovda 50 foizdan ko‘p ovoz to‘plagan nomzod Prezident etib saylanadi.
Ovoz berish jarayoni soat 20:00 ga qadar davom etadi.
Live
Barchasi
