Qozog‘istonda sobiq madaniyat vaziri 8 yilga qamaldi
Olam
−
21 iyun 2023 5030
Qozog‘istonning sobiq madaniyat va sport vaziri Aristanbek Muxameduli 8 yilga ozodlikdan mahrum etildi. Bu haqda Ostona sudining Axborot xizmati xabar berdi.
Qayd etilishicha, kecha, 20 iyun kuni Ostona shahar 2-Boyqo‘ng‘ir tuman sudida mazkur hukm o‘qib eshittirilgan.
Aristanbek Muxameduli Qozog‘iston Milliy muzeyning direktor vazifasini bajarayotgan vaqtida xalqaro ko‘rgazmani o‘tkazish uchun ajratilgan 146 million tengeni o‘zlashtirganlikda ayblanmoqda.
2021 yil muzeyda “Oltin odamning dunyo muzeylari bo‘ylab yurishi” xalqaro ko‘rgazmasi tashkil etilgan. Ko‘rgazma O‘zbekiston, Rossiya, Turkiya kabi 12 davlatda namoyish etilgan. Shuningdek, sobiq amaldor 2022 yilning may oyida hibsga olingan.
Sud hukmiga ko‘ra, Muxameduli umrbod davlat xizmati va kvazidavlat sektori lavozimlarida ishlash huquqidan mahrum etilgan.
Muhsinjon Umurzoqov
Live
Barchasi
