Qozog‘istonda musobaqaga ketayotgan futbolchi bolalar halokatga uchradi. Qurbon bor

Bugun, 19 aprel kuni Qozog‘istonning Pavlodar shahrida maktab o‘quvchilaridan iborat futbol jamoasini olib ketayotgan mikroavtobus ag‘darilib ketdi. Voqea oqibatida bir kishi halok bo‘ldi. Bu haqda “Kazinform” xabar berdi.

Ma’lum qilinishicha, Mercedes mikroavtobusi “Ostona-Yereymentau-Shidertmi” trassasida avariyaga uchragan. Ular Ostona shahriga musobaqa uchun yo‘lga chiqqan. Mikroavtobus ichida 16 bola va murabbiy bo‘lgan. Baxtsiz hodisa oqibatida murabbiy voqea joyida halok bo‘lgan. 

“Bolalar tibbiy muassasaga olib ketilgan, ular shifokor nazorati ostida”, deyiladi xabarda.

Politsiya ma’lumotlariga ko‘ra, xususiy sport maktabi politsiyaga musobaqaga sayohat haqida xabar bermagan va yordam so‘ramagan, shuning uchun mikroavtobus politsiya tomonidan boshqarilmagan. 

Pavlodar hokimining matbuot xizmati tomonidan xabar berilishicha, voqea joyiga viloyat Jismoniy tarbiya va sport boshqarmasi va huquq-tartibot idoralari vakillari borgan.

Shifokorlarning ma’lum qilishicha, mikroavtobus bilan bog‘liq baxtsiz hodisada 7 bola jarohat olgan va Yereymentau viloyat kasalxonasiga olib ketilgan. Ulardan biri intensiv terapiyada.

Eslatib o‘tamiz, avvalroq AQSHning Janubiy Karolina shtatida maktab avtobusi ag‘darilib ketgan va oqibatda bir kishi halok bo‘lgandi. Qolaversa, 18 kishi jarohat olgandi.