Qirg‘iziston parlamenti xodimida koronavirus aniqlandi
Olam
−
19 iyun 2020 2470
Qirg‘iziston parlamenti Matbuot xizmati rahbari Ibrohim Nurakun o‘g‘li koronavirusga chalindi. Bu haqda u Facebook’dagi o‘z sahifasida ma’lum qildi.
“Yakshanba kuni haroratim ko‘tarildi. O‘shandan beri uydan chiqmadim. Bugun men COVID-19 bo‘yicha tahlil natijalarini oldim. Ular ijobiy ”, deb yozdi Nurakun o‘g‘li.
Uning so‘zlariga ko‘ra, so‘nggi kunlarda u bilan bog‘langan shaxslar doirasi allaqachon tashkil etilgan.
“Hozircha matbuot xodimlari masofadan ishlaydi, ulardan tahlil olingan. Shuningdek, bir necha nafar deputat va Jogorku Kenesh (parlament – tahr) apparati xodimlari koronavirus uchun test topshirdi. Natijalar yaqin kunlarda ma’lum qilinadi”, dedi u.
Qirg‘izistonda aniqlangan koronavirus holatlari soni 2657 taga yetdi. 31 kishi vafot etdi. 1933 nafar bemor sog‘ayib, shifoxonalardan chiqarildi.
Live
Barchasi
